「佢雖然係後母，唔係親生阿媽，但點樣講都應該尊重佢，唔應該為幾幅畫搞到母子對簿公堂，咁做係於理不合嘅。」張大千門生、與國畫大師楊善深有40多年交情的李喬峰，專程從加拿大回港聽審，他細心聆聽了半天後，就搖頭離開法院。
「唔應據為己有」
現年80歲的李喬峰對記者表示：「我喺加拿大聽聞楊老嘅親人為畫打官司，我仲以為係啲畫出現問題，原來係阿媽同仔爭奪楊老嘅收藏品。」李搖頭歎息說：「如果後母將楊老嘅收藏品捐畀博物館公開展覽，而唔係據為己有，可以讓大家分享藝術珍品，咁就係一件好事；不過，作為兒子嘅好應該尊重老人家，更應該讓楊老嘅珍藏傳頌於世，而唔應該據為己有。」
身為收藏家的李喬峰，是國畫大師張大千的門生，40年代在澳門拜嶺南派國畫大師高劍父為師，從此與嶺南派結下不解緣。李又透露，楊善深身為嶺南派第二代傳人，一生醉心藝術，其為人十分隨和謙虛；楊老居住加拿大期間，曾一度想創立「楊派」，可惜未能成事，「02年10月楊老90大壽時，喺西環好彩酒樓設壽宴，我專程返香港同佢祝壽，豈料事隔幾年我亦專程回港，但竟然係為出席好友後人嘅官司。」
本報記者