《SWEET》頭箍熱

「潮流」？根據知識網搜尋得嚟嘅答案，係從字源學上來自於拉丁文"facio"，意思係「歷經世代的改變」，以美日英三國為例，潮流包含當地文化、經濟、藝術、科技嘅生活型態。一句到尾，即係社會上大部份人都會做嘅嘢。以時裝計就係大家都會着嘅，跟邊個着？每個時代都有Icon，最正路係跟明星。不過，明星各有自己嘅character，要抄佢哋着衫最後只會辛苦自己。喺呢個「先敬羅衣後敬人」嘅年代，着衫着得靚永遠有着數，最快捷嘅方法就係參考日本雜誌。原因有三：日本人跟香港人身形差不多、崇日嘅風氣盛，香港又不愁冇日本Style嘅時裝店。細路女嘅睇《Cutie》、青春嘅睇《mini》、成熟嘅睇《SWEET》。6月號《SWEET》大煲頭箍潮，青春成熟頭箍款式任揀，教埋你點襯之餘，仲隨書附送一隻金色頭箍一個，等你一試。