昨日是Beyond成員黃家駒死忌,葉世榮和黃家強先後到省善真堂及將軍澳華人永遠墳場拜祭,世榮表示希望家駒早日投胎,他說:「可能佢已經投咗,話唔定過幾年有個結他神童出現。」
家強與兩位姊姊、姐夫等人於省善真堂買了一些祭品予家駒,其間一名內地歌迷竟拿着特刊給家強簽名,家強即時臉色一沉,他說:「今日係一個傷感日子,唔係簽名嘅時候。」家強之後又到了梅艷芳的靈位上香。
承認已註冊
接着家強與家人到將軍澳拜祭,他透露早前已帶同妻子拜祭哥哥,有指他於本月7日擺喜酒,家強顯得有點激動,並說:「我已經喺外地註咗冊同擺咗酒,7號只係請啲朋友飲。不過我覺得好老套,好似俾人出賣咁,一派完帖,單嘢就揚咗,想講我就一早自己講,使鬼經人口講呀。」問家強會否考慮生BB,他說:「順其自然啦。」
採訪、攝影:李珮洳