今日將上演本屆世界盃最後兩場8強賽事，先講英格蘭對葡萄牙。
以雙方球員嚟講，英格蘭除了奧雲仔外，其餘球員均能上陣，相反葡萄牙在上場擊敗荷蘭，令迪高及哥斯天拿兩位主力球員停賽，很多人因此而認為會影響葡軍今仗發揮，但我看不一定，他們有一名運籌帷幄嘅好教練史高拉利。
操盤手睇淡英格蘭
看看立博的主客和，英格蘭勝2.1倍，和局3倍，葡軍勝3.2倍；作為一間英國博彩公司，相信已對主勝壓低，但仍有2.1倍，反映出操盤手對英軍取勝並沒有太大信心。
亞洲盤英格蘭初盤讓半球，最後轉讓成平/半低水，大小球指數為兩球。個人認為葡萄牙會再用保守踢法，就好似分組賽第1場，以1:0小勝，哈，嗰場都係冇迪高㗎！可見得葡萄牙並非只係一人球隊。
巴西對法國，4年又4年，大家終於等到呢場波。從過去比賽表現所見，巴西的確係踢得好過法國，但係朗拿度成為歷來決賽周入球最多嘅球員，任務已經完成，我懷疑佢嘅鬥心。細哨亦一定會俾人睇死，惟有靠卡卡一個。
亨利表現值得留意
法國唔係講笑，對西班牙踢得好好，預計班法國老兵都會拼埋呢場，之後輸都冇所謂！今晚反而要留意亨利，卡富如果死要助攻，咁就益晒亨利！巴西讓半/一，下盤可捧。
謝利
立博亞洲區首席博彩顧問
精通各大聯賽，分析獨特，文章可見於各大媒體，足球貼士界的一顆新彗星。