今晚頭場英格蘭對葡萄牙；尾場巴西對法國。兩場8強賽事務必精采萬分，全港球迷不容錯過。香港英格蘭球迷甚多，加上好幾個有利嘅因數包括：上場賽事體力比對手葡萄牙消耗得少；今仗主力亦可悉數上陣等等，似乎英軍都會一致被看好。但這樣的睇法真的正確嗎？
就讓我提醒全港英軍球迷，你們的球隊前鋒持續不振。儘管朗尼復出後表現落力，但始終未在狀態。另一方面，能否釋放謝拉特將會成為取勝關鍵。艾歷臣假若繼續令中場塞車，謝拉特同林柏特繼續工作重叠的話，英軍莫講話取勝，連迫和對手都難！
迪高位置費高頂上
反觀葡萄牙多名主將未能出戰或上陣成疑，當然，對球隊定有影響，但葡軍人才不乏，尤其中場，絕對比得上巴西隊；迪高的停賽可由隊長費高取代；基斯坦奴朗拿度的受傷亦可用沙保沙取替；阿曼度比堤、堤亞高文迪斯可頂替停賽的哥斯天拿。這樣一來，葡軍毋須作出任何陣式的調動仍可踢出強勢。
最後領隊的高低已分勝負了！我認為史高拉利將會取得世盃決賽周12連勝，於4強迎戰舊有部屬巴西，拭目以待吧！
村長商業一台《長傳急攻鐘》主持
今晚播放時間6:30pm-7:30pm