話到明係「世界盃」，當然係全世界都有份參與先可以叫啦；但今屆傳統勢力復興，上屆頻頻爆冷嘅景象已不復見，睇番8強嘅陣容，來自非歐洲聯賽嘅國腳已經得番8個，而嗰8個國腳亦係效力南美頂班聯賽巴甲同阿甲！強隊玩晒，仲要個個都喺歐洲打滾，「世界味」細咗好多，我判官就提議，不宜索性取消世界盃，搞個歐洲超級聯賽盃好過啦！