地點：旺角行人專用區
時間：晚上七時半
人物：法國著名足球表演者IyaTraore
事件：Iya用右腳腳腕扣實足球，即時做一個倒立動作，唔使2分鐘的時間，就已成為近百途人的焦點。Iya一連串的足球花式獻技令途人看得目瞪口呆，又呼叫又拍掌，連在行人路兩旁的寬頻推銷員都拋下工作加入圍觀人群。
結論：話你知，呢2個禮拜我哋有眼福，可以睇晒2名世界花式足球頂尖高手的表演，一位就是上述來自法國的Iya，而另一位下星期到港，就係來自韓國的「DHL速遞員」Mr.Woo，最遺憾係睇唔到2位高手同場過招！
記者：黃藹瑩
攝影：周旭文
部份Mr.Woo圖片由屯門市廣場提供
足球雜技王小檔案
姓名：IyaTraore
身高：165cm
體重：65kg
國籍：法國人（原籍畿內亞人）
強項：
靈活的控球技術融會於雜技之中
以腳腕把足球鎖上，再做出各種高難度花式表演
自創以腿控球打圈的花式動作IyaCircle
威水史：
健力士世界紀錄保持者「一分鐘控球打圈63次」
擔任法國運動品牌「Airness」的代言人
可瀏覽網址：
http：//www.iyatraore.com/iya_video.php?nom=75
愈玩愈High!吸引人群3絕招
本來在法國都有在街頭喪表演的Iya，一落機就畀我哋捉咗來全港最旺的行人專用區（西洋菜南街）表演，不過佢絕對冇唔慣，而且人愈來愈多的時候反而更High，直頭玩到唔捨得停。表演前的首要任務當然係引人注意，Iya呢3招一出，2分鐘唔使就已經企滿圍觀途人！
愉園業仔旺角街頭大挑戰
明知2位世界花式足球高手都會喺7月來港，可惜到埗時間卻相差1個星期，搞到我哋無緣一睹二人的較量，實在可惜。今次找來愉園的年輕靚仔球員李圳業來挑戰早一步到港的Iya，業仔除咗識踢波，仲略懂用足球玩幾下花式，不過遇着專業花式高手Iya，即時被比下去，幸而旺角街頭的圍觀途人都好欣賞佢的勇氣，掌聲鼓勵最實際。
嚇親細路事件簿
Iya見周圍的途人睇得興高采烈，梗係希望佢哋一齊玩啦，於是即時搵個小朋友出來試玩；俾國際級的花式足球員睇中當然有運行，不過小朋友未接觸過黑人，一副受驚表情，唔多想玩，但又唔可以當場拒絕咁失威，最後……咪成功囉！
街坊：極度讚歎！
想睇佢現場表演？
「IyaOnlyStyle為世界盃超級隊伍終極打氣」
時間：2006年7月1日至7月2日
地點：旺角新世紀廣場1樓星際廳
查詢電話：23970790
未夠喉？DHL速遞員下周來港表演！
Iya年方20，咁好波點解唔踢傳統英式足球，原來佢踢過巴黎聖日耳門！見過細哨！而同樣是玩花式足球的「DHL速遞員」Mr.Woo，亦會於下周來港。我哋分別同兩位花式足球大師做咗個訪問，速睇！
I：IyaW：Mr.Woo
問：你為何會選擇成為花式足球的表演者（FootballFreestyler）？
I： 我本來是效力法國球會ParisSaintGerman（巴黎聖日耳門），不過覺得自己都是較喜愛Freestyle的足球，所以退會專注發展花式足球。
W： 我很喜愛足球這種運動，不過踢足球沒有玩花式足球咁親民，我最高興的還是可以透過足球使周圍的人感受到快樂同和諧。
問：你的喜愛的球員是誰？今屆世界最想哪隊得到冠軍？
I：我最鍾意朗拿甸奴，之前效力PSG的時候曾經見過佢，佢好欣賞我的花式足球，而且仲畀咗好多意見我。至於冠軍，我都係最想德國得到，佢哋今年好有鬥心，我好欣賞。
W： 我最喜愛的球員一定係馬勒當拿，佢最啟發到我玩花式足球。至於另一個就係朗拿甸奴，佢腳法好，巴西贏的機會好大，不過我係韓國人，當場最想韓國會贏啦。
問：最難忘的表演是何時？
I：今次是我第1次來香港表演，所以這次我相信都會是好難忘的。（好識講嘢喎！）上兩星期世界盃分組賽法國對瑞士開場前，我就擔任了表演嘉賓，當時的氣氛實在令人難忘。
W： 02年日韓世界盃決賽周時擔任表演嘉賓，在自己的國家，感覺更強烈。而另外一次就是在球王比利50歲的生日Party上做表演嘉賓，能夠喺偶像面前表演真係好激動。
DHL速遞員小檔案
姓名：HeeYeungWoo（Mr.Woo）
國籍：韓國
強項：用頭頂球
威水史：
健力士世界紀錄保持者「連續頂球5小時6分30秒」
曾與朗拿甸奴為運動品牌Nike拍廣告，最近更以DHL的廣告而為香港人熟悉。
連續四屆擔任世界盃的表演嘉賓
想睇Mr.Woo表演？
Mr.Woo王者球技Show
時間：2006年7月8日至7月9日
地點：屯門市廣場1期1樓中央廣場
查詢電話：24507767