陳奕迅（Eason）、何韻詩、黃偉文和雷頌德昨日到一所學校出席商台舉辦的「拉闊黃金十年」記者會，眾人打扮成學生出席。四人在台上亂講說話，Eason表示做風紀要擦鞋，還自爆當年吸煙；黃偉文則認為學校不需要校長，連譚校長也不需要。
陳奕迅、何韻詩、黃偉文和雷頌德昨天在新亞中學出席「拉闊黃金十年」記者會，楊千嬅因不在港而缺席。由於話題圍繞學校趣事，四人均以樂壇十年優異生的學生打扮出場。當中以Eason最為認真，佩戴讀書時代的校呔；黃偉文則以小學生造型亮相，戴上煲呔和穿上短褲，非常生鬼。
以身試法
活動上，司儀問到四人覺得誰適合當校長，黃偉文搶着回答說：「我其實覺得唔需要校長，連譚校長都唔想要。」語畢台上四人只笑而不語，何韻詩則覺得徐小鳳最具校長風範，Eason笑說：「我讀書時做風紀，擦鞋先做到，我都幾叻，專係叫人唔好食煙，但自己食嗰隻囉！」
怕犯校規
四人又即場為自己在樂壇的表現評分，Eason在評語一欄中寫上「talkative健談」，他表示讀書時，成績表上經常出現這個字，對於自己的考勤，他覺得未及劉德華那麼好，他說：「我讀書時係好健談，但唔代表唔聽書，我懷疑風紀都係咁吹返嚟。但我係一個怕死嘅人，唔敢犯校規，只係入咗娛樂圈先百厭啲，而我爸爸（陳裘大）好嚴，但唔會打我。」何韻詩則說：「我覺得𠵱家好似讀緊書，一個留級生，只係初中階段。」
採訪、攝影：王連連
