英格蘭球證普爾嘅「3黃1紅」事件告一段落，呢位吹過無數場英超同國際賽嘅球證，已經決定喺國際賽「掛哨」。普爾喺英超一向吹得唔錯，今次事件固然冇得原諒，但國際足協都全力支持普爾，證明佢有得留低。聽講佢「退休」原因係球迷對佢嘅指摘，令佢心灰意冷。籃球壇都有個佐敦復出幾勻，相信普爾都隨時可以「復吹」國際賽啫！