單車騎警最慘
講到騎警，香港就只有電單車1種，但喺德國呢邊，騎警就有3種咁多，除咗香港都有嘅1種外，其他兩種你可能只估到相中嘅騎馬，另1種你又知唔知呢？答案係單車。德國世界盃警察忙到有氣無得唞，好彩電單車或騎馬巡邏時都幾享受。不過，另1種騎警就辛苦好多，因為佢哋要踩住架單車四圍巡，真係少啲腳骨力都唔掂。
李勇明
曾採訪世界盃、歐洲國家盃、奧運、亞運等大賽，身經百戰。
火車下層魂遊太虛
德國市內有兩層式火車，平時都喜歡坐上層，總覺得空氣好一點；昨日第1次坐下層，有意想不到的效果。不知是否長時間搭火車，人累了也不自知；坐下層時不自覺地眼定定望出窗外，腦子空白一片。忽然停車那一刻，月台上的人變了像大人國，立刻聯想起迪士尼未來世界裏的3D劇場，主角縮水了，我也縮水了，1分鐘咁多啦。偶而在忙碌中魂遊太虛，感覺很不錯呢。
徐嘉華
採訪過無數大賽，最鍾意捐窿捐罅搵題材，今次德國之行啱晒我。
歌德故居地奇遇記（中）
上回講到夜晚流落WEIMAR市，撞到個伊拉克人阿里，佢話市內酒店好貴，建議我去佢屋企宿一宵。事實上，筆者亦一直好想睇吓德國民居嘅生活，而且又餓到死，身無長物，去也！阿里同父母舉家移居德國10年，現時1個人住，屋企環境及衞生情況好一般；坐低後，阿里開始露出狐狸尾巴（待續）
朱冠恆
肩負現場直擊畀料重任，無論你當我名家抑或明燈，都希望交到功課。
