4年一度嘅世界盃，德國好多地方都人山人海，就連習慣早收工嘅德國人都願意延長服務時間，真係好難得。但其實除咗世盃外，咁人頭湧湧、個個拎住啤酒狂呼嘅場面，令我諗起「慕尼黑啤酒節」。
每逢啤酒節，來自四方八面嘅遊客就會齊集慕尼黑市公園慶祝。小妹自己就唔鍾意飲一般嘅啤酒，因為怕啤酒嗰種怪味道，但我就有一個方法提供畀各位唔鍾意飲啤酒嘅女孩，就係將啤酒溝入一種叫「AlsterWasser」嘅汽水。雖然加入呢種飲品後會增加啤酒嘅酒精含量，但甜得嚟易入口，不過要小心唔好咁就飲多兩杯啦！
其實男球迷就好少飲呢類飲品，不過就啱晒女仔飲，唔使睇住人飲咁寂寞之餘，又可以陪男友一齊邊飲邊睇波，真係一舉兩得。
袁彩雲
無綫世界盃直擊主持