楊采妮自言從不看鬼片，但前晚也捱義氣往捧場欣賞李心潔主演電影《鬼域》首映，不過事先聲明如果忍不住就會早走。談到早前傳出李心潔婚訊，有份到場的林嘉欣謂曾致電恭賀對方，怎料原來是空穴來風。
由彭氏兄弟執導、「鬼后」李心潔主演電影《鬼域》前晚在尖沙嘴海運戲院舉行首映，楊采妮表示從不看鬼片，但因與李心潔份屬好友，加上該片的海報拍得很像自己，故特別捱義氣來捧場，林嘉欣、組合2R、導演杜琪峯、陳木勝都有到場。
側面勁似心潔
楊采妮透露年前在馬來西亞開辦形象設計公司時，曾為李心潔設計形象，對方還免費讓她作生招牌，兩人成為好友。楊采妮說：「我唔敢睇（鬼片）㗎，所以從來冇睇過心潔啲戲，但大家好朋友，所以我答應嚟，我講咗話會盡量睇，睇到忍唔住就會走。」
不過楊采妮補充謂也有興趣拍鬼片，當是挑戰自己。有指楊采妮的樣子很像海報上側着面的李心潔，她說：「我今日嚟見到都覺得幾似。」
心潔另一好友林嘉欣前晚也來捧場，原來兩人因拍《救命》而相知，談到早前心潔傳婚訊，嘉欣說：「我都以為係真嘅，仲打電話問佢使唔使幫手，我度定期嘛！點知佢話係誤傳，如果佢哋結婚會搞大佢，我都戥佢高興㗎，我仲心急過佢。」
問師傅借耳環
主角心潔穿上tubetop亮相，頗為性感，她表示試身時發覺欠缺首飾配襯，於是問師傅張艾嘉借了一對名貴耳環，她說：「我諗我都要置番啲行頭，方便出席大型場合。」她謂曾邀請好友袁詠儀來捧場，但因孕婦不宜看鬼片，故未有到場。
採訪、攝影：楊潔雯、何永寧
