42歲的劉青雲自中年發福後，一直腰纏小肚腩，整個人消瘦不少，前晚他為配音新戲宣傳，身形猶如他當年主演電視劇《新紮師兄》的Fit佬一樣。原來他為飾演一個精神病人的角色要急劇改變身材，一下子瘦了18磅，稍後又要增肥20磅，認真是能人所不能。至於被指患上厭食症的韓君婷昨日亮相無綫節目時，發現其頭髮稀疏，似有脫髮現象。
劉青雲、張繼聰及謝安琪為西片《加菲貓2》配音，三人前晚於九龍塘出席首映禮，向來有少許中年發福、挺着個小肚腩的劉青雲，前晚竟以Fit佬身形現身，瀟灑了不少。
大讚胡杏兒叻女
青雲解釋他稍後會拍攝杜琪峯執導新戲，要飾演一名精神病患者，因藥物治療而整個人變得浮腫，故他現時要先減肥20磅，拍攝中途又要增肥20磅，以配合劇情，青雲說：「套戲未有名，我哋七月開拍，𠵱家我先減咗18磅，做運動減囉，我𠵱家156磅，仲要減多幾磅，呢個階段好難減呀，好辛苦。」
談到拍《肥田囍事》的胡杏兒增肥成話題，青雲說：「佢女仔肥咁多，慘好多，好叻女，相比之下，佢增完磅後可以減番，但我減完後要增肥，唔係幾好，好沮喪㗎。」問他飾演精神病患者，怕不怕之後難以抽離？青雲說：「唔驚，我都有去了解啲病人資料，見過呢方面嘅醫生，呢啲病好似傷風感冒咁，都市人有好多，不過𠵱家都未知劇本點寫。」有記者笑問其好友秋生有沒有？青雲說：「佢唔係，佢好正常，我身邊人都好正常。」
至於昔日巨躉身形的韓君婷有傳因過度減肥而患上厭食症，瘦骨嶙峋的她前晚錄影無綫節目《心大心細》，只見她除暴瘦外，又出現脫髮現象，更被林敏驄取笑為火柴人。問她的體重若干，韓君婷說：「同以前差唔多，我唔係有厭食症，唔介意任何報道，最緊要自己開心。」續問她會否繼續減肥，她說：「唔需要，希望肥番少少。」
怕胸大易患乳癌
記者說她瘦到連三圍也走了樣，韓君婷說：「始終三圍太過勁，會對女性唔好，女人胸大患乳癌嘅機會增加30%，都係適中啲好，希望身邊嘅朋友唔使擔心我。」
採訪、攝影：魯萍、王崇穎
