【本報訊】連日受盡商界左派圍攻的陳方安生，昨日心情大佳，笑着回應各方批評。對賭王何鴻燊日前揶揄陳太「睇波好過遊行」的言論，陳太笑道：「我無睇（世界盃）呀，我唔係足球迷。」她並幽賭王一默，續指：「可能何先生覺得，目前好多人都有睇足球比賽啩；我唔係足球迷，但我都好多謝佢嘅建議。」
「唔喜歡這樣形容」
有記者向陳太提及日前胡應湘將她形容為慈禧太后，陳太笑言「冇聽過，但唔太喜歡這樣的形容！」至於7.1前夕連日上港台錄音，會否擔心被指鼓吹遊行，陳太直認：「港台一直有約她做節目，但至日前她才應承，只是時間巧合」。
陳太昨晨離開港台後，前往荃灣大會堂參加救世軍幼稚園的聯合畢業禮，見證了未來棟樑的畢業一刻後，中午12時許陳太與救世軍成員前去附近一家酒樓「醫肚」，然後由司機接返玫瑰新邨寓所，期間陳太全程面露招牌四萬笑容。
連日風塵僕僕的陳太在家中逗留至下午4時半，便再次出動由司機接載前去多年來一直幫襯的銅鑼灣白沙道「Flairsalon」理髮及修甲。
半小時後，恤過髮、修完甲的陳太心情靚靚離開髮廊，遇上追蹤而至的記者，亦有問必答。
