楊其龍前晚出席活動時，被問到會否效法劉鑾雄登報示愛，他起初指這做法太高調，但旋即又轉口指或會這樣做，並笑言若果不夠錢付廣告費，可叫爸爸楊受成幫手。他又大讚舊愛何超瓊靚女兼條件好，透露對她仍有情，又祝福對方早點找到真愛。
楊其龍前晚往中環出席百搭高級音響舉行的活動，他一見記者即苦口苦面表示賭波輸了錢，他說：「係西班牙對法國輸1:3嗰場呀，我輸咗好多錢，簡直係重創。」問他最近劉鑾雄豪擲20萬登報賀李嘉欣生日，他會否效法？他起初說：「如果係我，就算係幾鍾意都未必會用呢個方法，太高調啦。」但旋即轉口說：「不過其實都可以咁做嘅，如果個廣告太大，我唔夠錢，咪問爹哋攞囉，因為佢都希望我快啲結婚。」
急着撐男友
至於嘉欣新男友許晉亨的前妻、即楊其龍的舊愛何超瓊早前曾表示若嘉亨戀開花結果，她願意辦妥離婚手續成全二人，問楊其龍是否仍然關心超瓊？他說：「佢嘅嘢我唔係咁清楚。」記者指超瓊現時仍未有新男友，楊其龍即說：「咁祝佢好運囉，佢仲咁靚，又有才幹，咁有條件，大把機會吸引男仔啦。」
記者即問楊其龍對超瓊是否仍然有情？他沒正經說：「大量呀。」會否翻𠝹超瓊？他即封口不答。此外，榮文蔚表妹鄭詩韻與男友陳鴻業拍拖出現，問起早前有雜誌以化名形式，影射陳鴻業經常背女友出去玩，鄭詩韻一聽即搶着說：「我哋去邊都係兩個人嘅，時間可以證明一切。」但在旁的陳鴻業卻一直沒回應。
採訪：NgTinWai
攝影：DickyChan
