正所謂球場如戰場，防止軍情外洩好重要，但下場迎戰意大利嘅烏克蘭居然有個意大利按摩師。呢位按摩師叫沙比朗尼，據講係舒夫真高由AC米蘭帶過來，佢每日都同球員按摩兼醫病，容乜易做「無間道」㗎？沙比朗尼就話絕對唔會辜負烏克蘭嘅信任，之不過後來記者問舒夫真高近況時，佢就答話：「佢狀態得6成。」嗱！口快快咁就洩漏軍情喇！