李心潔與導演男友彭順早年合作《見鬼》後相戀，近日第二次合作拍攝驚慄片《鬼域》，心潔表示他們會互相提點對方，攜手炮製出最好的愛情結晶。不過問到心潔打算替彭順生多少個孩子，她坦言照顧小朋友要花很多時間。
李心潔和彭順早年拍攝電影《見鬼》後擦出愛火花，二人感情穩定，心潔已視對方為結婚對象，不過暫時未有結婚的衝動，因為還沒有充足的心理準備，心潔日前說：「邊個女人唔想結婚？但𠵱家對我嚟講係時間問題，等我準備好先。」究竟心潔心目中的dreamfamily是怎樣？她憧憬地說：「父母要恩愛，要有小朋友，咁先夠圓滿。」那心潔將來婚後想生多少個孩子？她即笑說：「唔知我生唔生到？照顧小朋友要好多時間同心機，好大責任，不過我同男友都鍾意小朋友嘅。」
愛是原動力
心潔的新片《鬼域》再次與男友彭順合作，問她以情侶檔合作時會否更得心應手？心潔說：「我們拍拖後合作更有默契，或者我們都鍾意電影，所以拍戲時，我哋會用唔同嘅角度提出意見，大家都有着拍好部戲嘅出發點，加上我哋都肯接受別人嘅意見，所以我哋嘅討論多咗，發覺大家愈嚟愈夾。」
心潔表示《鬼域》雖然是一套以靈異為題材的電影，但帶出一個重要的訊息，她說：「自殺都算係遺棄自己嘅生命，我覺得每個人必須珍惜身邊每樣嘢，包括人和事。」問到心潔最珍惜的是甚麼？她說：「我珍惜對每樣嘢嘅愛，我覺得愛呢種感覺係我最大嘅原動力，佢畀到我好溫暖嘅感覺。」
採訪：比華利
攝影：陳俊強
髮型：DomanicTao@0rient4
化妝：JennyTziong
場地：HABITUTheGarden
