8強大戰意大利對烏克蘭，只要意大利唔犯上大錯，要贏烏克蘭可以話易如反掌。由分組賽到16強，9成賽果都係屬於正路，呢場相信都唔會例外，但講到要大勝對手就有難度。
睇番意大利今屆4場比賽，打法屬於較慢熱，唔會急於進攻；上場對澳洲，成場波澳洲控球時間較多，但係佢哋一啲章法都冇，意軍更在補時階段靠1個12碼殺入8強。今次大戰烏克蘭，尼斯達有傷未必可以上陣，馬特拉斯停賽，後防有隱憂，令小勝味更濃。
主勝1.55倍值博
烏克蘭分組賽抽到好籤，雖然第一場俾西班牙大炒，但係同組對手實力較弱，可以順利殺入16強。而16強對手瑞士的世界盃經驗唔夠，最終憑互射12碼氣走對方，唔多唔少有啲運仔。烏軍喺決賽周表現同外圍賽有出入，前鋒靠晒舒夫真高一個打突擊，而當「軍刀」被緊盯後，烏克蘭就無所施其技，雖然基連尼真高今屆表現搶鏡，但球隊控球能力較弱，面對老手意大利，今場勝算較低。
講真意大利讓到半/一，好大機會只贏到半格，千祈唔好貪少少水位，單買主勝1.55倍仲好。
Wendy有線球彩台「06世界Bar」主持
今日播影時間：9:00pm至5:30am
PHONE波熱線：1831678