香港之所以彈丸之地仍屹立為首屈一指的國際時裝大市場，皆因買衫的人接受能力愈來愈高，百花齊放的程度直迫歐、日。就以長年由D-Mop代理的品牌BernhardWillhelm為例，這個時裝人稱「B仔」的設計，完全談不上美麗高貴，反而是畸、怪、搞嘢、騎呢到極點，但奇就奇在這股「B仔潮」維持至今都有三、五年，當歐洲等地的時裝迷都覺得她新鮮感不再時，在港的熱潮竟然仍然能keep住，奇事。
「B仔」在香港的fans，一點都不騎呢，都是靚女和潮界之人，包括阿Sa（蔡卓妍）、Wyman（黃偉文），連新人泳兒也湊熱鬧，熱捧「B仔」起來。抵港的「B仔」新裝，又是鬼馬loudloud哋的，以美國為題，兩款熱賣Tee包括彩色紮染款及以美國國旗為圖案，都是藝人着一次就要「拜拜」的貨色。
TextbyM2
本欄逢星期一至五刊出