朱培慶捨命陪陳太 - 李八方

  朱培慶捨命陪陳太 - 李八方

港台膽粗粗畀個平台陳太講足四日嘢,結果梗係畀咗個大好機會左派「狂𡁻」,難得處長朱培慶不但冇俾佢哋激到紮紮跳,相反仲表現到一派大無畏,噚日陳太第三次出席港台節目錄音,朱培慶都陪伴在側(圖),冇特別諗住同陳太劃清界線,睇怕佢都係豁咗出去,死都唔怕。
梗係啦,既然政府都要大肆整頓港台,朱培慶仲怕乜吖?可能𠵱家最開心係政府㖭喎,事關吉叔主持個委員會,又可以因為陳太事件,砌多港台一宗罪咯。
區民傑攝