法國嘅施丹喺球壇地位已去到球王級數，好多球星都要畀幾分薄面佢，尊重吓呢位世界足球先生。世盃8強巴西就會對法國，前者嘅新星羅賓奴真係唔知老幾，竟然誇下海口要幫施丹埋單，要佢踢埋今場就可以安心掛靴咁話。我判官唔係質疑巴西打唔贏法國，只不過覺得呢番冇大冇細嘅不敬說話，唔應該出自一個份量咁低嘅死𡃁仔把口囉，你有份出場先講啦！