【本報訊】正當社會談論延長退休年齡，解決人口老化及維持社會競爭力之際，不少人卻反其道而行，有選擇提早退休人士稱，這可讓他們尋求其他發展，為下半生開拓精采一頁，但有學者提醒打工仔考慮提早退休時，必須衡量個人經濟能力，確保退休後生活可獲足夠保障。
宜儲備應急錢
現年只有四十多歲的李先生，原本任職文化工作，但他兩年前選擇提早退休，他說：「份工已經畀唔到我任何刺激同動力，再做落去都冇意思，我又想嘗試喺其他方面發展，所以作出呢個決定。」
但他強調，提早退休須認真考慮個人經濟能力，「你要有一大筆嘅錢，就算你十年八年唔使做都冇問題，仲要計埋一筆應急錢，萬一有突發事件或大病都可以應付到。」
中文大學經濟系副教授關焯照指出，提早退休與否視乎個人經濟情況，他提醒打工仔需計算清楚，確保晚年生活有足夠保障，「好多人都想提早退休唔使做，但要睇經濟能力，如果唔夠錢，咁晚年生活點算？反而延長退休，可以儲夠錢，保障日後生活。」他相信隨着人口老化，不少行業都會傾向延長退休年齡，保持競爭力。