錢嘉樂前晚為無綫的《頂Cup好波晚晚有德Fun》節目擔任嘉賓主持，他會主持昨晚及七月四同九日的節目，一向沒半點正經的他笑說：「係克勤唔做，我至有得做，不過我講笑啫。」問他可擔心在節目上講錯說話，他笑說：「我唔會講錯嘢，我最多亂講嘢。」至於他捧哪一隊可成為冠軍，嘉樂仔說：「我捧巴東，巴西個大佬，睇好佢六屆冠軍。」
嘉樂仔被問到之前有否觀看球賽，他反問記者：「你估我會唔會睇吖，我睇精華片段，睇無綫。」不過他講完之後也不禁笑了出來。
頂級無厘頭
談到他有否為看球賽冷落女友李珊珊，嘉樂仔繼續無厘頭說：「唉！點理得咁多，佢自己都成日同啲晨曦足球發燒友去睇波，咪又係嗰啲觀音兵囉。」嘉樂此言明寸早前伴着李珊珊的衞志豪。問他可擔心，他說：「驚乜啫，嗰個都唔夠佢高，不過佢同我打對台，佢捧阿根廷。」
採訪：卓美娟
攝影：陳俊強