女人要靚，能甘願為一張光滑的臉蛋而不惜工本，甚至連10隻小指甲都要做treatment、水晶甲等，靚就靚喇，不過荷包大出血呢。唔想肉赤，不如自己落手落腳作甲藝彩繪，為纖纖玉手增添姿采。除了frenchnail，貼閃石、珠片或lace花邊，價錢不但較便宜，且方便易做，花款日轉夜轉都得啦！
記者：盧家蕙 攝影：楊錦文 Model：Yu
美甲指導及產品：LCN（25737777）
浪漫海藍Lace
最近lace大行其道，估唔到除衫、裙、褲外，lace仲可以加於指甲上，海藍色的lace感覺舒適自在，清純指數爆燈。
所需工具
海藍色甲油（$110）、透明銀色閃粉甲油（$110）、粉藍色lace3D立體花甲圖案（每張$80）
＊Steps
＊Tips
由於甲面有弧度，黐lace花邊時最好剪長一點以預留長度，多餘嘅可以剪走。
迷人PinkLady
唔少女孩是粉紅色甲油的粉絲，貪其可愛易襯衫囉！破格地以粉紅色配桃紅及閃粉甲油，不再單調乏味，增添幾分嬌俏和青春。
所需工具
閃粉銀色及深紅色甲油（配幼身掃，各$95）、珍珠粉紅色甲油（$110）、桃紅色甲油（$110）
＊Steps
＊Tips
桃紅色斜紋是精髓，為了突出其色澤和紋理，最好以淺色甲油作base，桃紅色要多掃一層才會更耐看。
生動白蝴蝶
七彩繽紛的甲油雖然搶眼，但黑色甲油卻易襯衫。不過齋塗黑甲好懨悶，想乾手淨腳？直接貼上白玫瑰及蝴蝶貼紙，漫天飛舞的畫面十分生動。
所需工具
黑色甲油（$110）、白色甲油（細嘴$95）、白玫瑰及蝴蝶3D立體花甲圖案每張（$80）
＊Steps
＊Tips
如有需要，可加topcoat固定圖案。另外，於甲油半乾時黐上圖案，會更黏更貼，但唔小心黐錯位就冇得搣番起喇。
珠石后冠
炎炎夏日，色彩鮮艷奪目的橙黃甲色，黐貼多粒珠石，登時魅力四射，更適合擁抱熱浪。
所需工具
橙及黃色甲油各1支（$110）、珠石1盒
＊Steps
＊Tips
唔好睇佢簡簡單單，其實好考耐性，逐粒珠仔黐上煞是費神。
畫前先要護甲
手繪花甲前的基本護理一步都不能少，如果指甲變黃及有坑紋更要加倍呵護。修甲後，以真甲護理膏令甲面更平滑光亮，當中的幼細磨砂粒能清除甲面上的坑紋，滋潤及保護指甲。點上潤甲油於甲面按摩，用紙巾抹走油份，以灰色指甲銼來回輕擦作拋光，畫花自然更得心應手。
護理小貼士
