世界盃期間好多遊客嚟到德國，都有機會品嚐呢度嘅麵包。麵包係德國人早餐嘅主菜，早餐亦係德國人最重視嘅一餐。
世界盃喺夏天舉行，因為夏令時間，朝早4點鐘已經天光。喺日長夜短嘅時間下，好自然早餐就一定要食飽啲嘞。
仲有，德國人會覺得早餐係一家人相聚嘅時間之一，所以佢哋都好重視。以前我喺度住嗰陣，見過鄰居一屋人會6點就起身食早餐㖭！
講番麵包，德國嘅麵包有好多款。特別嘅有南瓜子包、太陽花子包咁。
早餐方面，德國人會將果醬、牛奶搽喺麵包度，跟住夾啲腸仔、火腿同南瓜等等。呢啲「大包」早餐其實都幾豐富㗎！
所以好多世界盃嘅遊客都會試吓呢啲麵包做早餐，而我就當然成日試啦，佢仲令我諗起以前我喺德國時好多一家人食早餐嘅回憶㖭！
袁彩雲
無綫世界盃直擊主持