唔通荷蘭教練都鍾意帶埋手下球員過檔？繼上屆世盃南韓教練軒迪克，拉埋朴智星同李榮杓過檔燕豪芬後，即將執教俄超球會辛尼特嘅本屆教練艾禾卡特，亦決定帶決賽周國腳李浩同金東進轉戰俄超。判官就覺得艾禾卡特咁做對兩位球員未必好喇！因為俄羅斯氣候嚴寒，社會政治文化都好極端，之前葡萄牙國腳文尼捷同哥斯天拿都走夾唔唞，兩個南韓仔未必能適應到喇！