早排有新聞話，因為有人誤用3G手機上網，結果幾乎要成「兩皮嘢」先埋到單，嚇死人！查實𠵱家用手機上網，真係話都冇咁易，隨手㩒個Shortcut已經上到，連小學生都識。不過，若然唔了解部機嘅操作，又去亂試，結果唔單止荷包大出血，仲有可能俾自己激到嘔血！
其實，大部份3G機已配置專用上網掣。就好似NokiaN80咁，只要㩒實個「0」掣已經搞掂，方便到極；但有網絡商職員表示，如果你選擇用功能表入面嘅「地球仔」上網，佢只會收取GPRS費用，即係話，網絡商將以逐KB計算，萬一經常單撈大容量Data，例如MP3歌或者串流影片，呢筆數真係難以估計。所以，喺大家用3G機上網之前，最好先向網絡商或代理商查詢手機操作及收費詳情，免招損手爛腳！
文：尹謹基