容祖兒與Twins昨日為她們的蠟像揭幕，三人都異口同聲說蠟像做得逼真，Twins更謂不敢正視蠟像，及不敢摸它們，祖兒則認為蠟像的牙與手紋做得最似自己，但她們的歌迷卻不表認同，似乎對蠟像感到非常失望。
容祖兒與Twins昨日在山頂香港杜莎夫人蠟像館為自己的蠟像揭幕，並分別為自己的蠟像戴上飾物，當中以鍾欣桐（阿嬌）的蠟像最為相似。
似足九成
祖兒等三人都認為蠟像做得很逼真，蔡卓妍（阿Sa）說：「遠睇都有95%似，近睇就90%，阿嬌嗰個仲做到有啲似鬼妹㖭，不過佢本身都係有啲mix嘅。」阿嬌就說：「頭先我幫自己（指蠟像）戴手鏈嘅時候，都唔夠膽摸佢，因為連啲手紋都做到好真。」
悉心打扮亮相的祖兒則說：「今日係一個大好日子，覺得好開心，我媽咪之前已經約咗阿嬌媽咪一齊嚟睇蠟像，真係一件值得驕傲嘅事。我覺得牙同埋啲手紋最似，做得好精細，塊面就做得太細。」
Fans唔滿意
祖兒與Twins的蠟像除在香港擺放外，也會在上海擺放，她們稍後還會到上海出席蠟像揭幕，祖兒說：「上海個蠟像我揀咗上次喺上海同碧咸嫂見面嗰套衫，因為我覺得比較端莊。」
雖然三人都異口同聲表示蠟像做得很似，但現場fans卻大唱反調，不停大叫真人比蠟像靚，大部份歌迷都表示蠟像只得六、七成似偶像，祖兒的歌迷嫌蠟像的鼻做得不像，而Twins的歌迷則指阿Sa的面太闊，及阿嬌的鼻做得不夠好。
採訪：胡比 攝影：陳順禎
