昨日無綫劇集《男人之苦》宣傳，康華以性感打扮露半球成功搶盡風頭，兩位主角蘇玉華及梁靖琪（Toby）即時單打康華，蘇玉華說：「我玩乒乓波就叻，康華梗係踢足球叻喇！」Toby就表示換轉自己作太性感打扮的話，父親一定覺得惡心。
吳卓羲（Ron）、梁靖琪、蘇玉華及康華等，昨日於九龍塘宣傳無綫劇集《男人之苦》，即場與一些接受輔導服務的夫妻玩遊戲分享相處感受，眾演員當中，以在劇中扮演媽媽生的康華最出位，她以deepV露腰打扮成為全場焦點。
贏波心情好扮靚
Toby一見康華即說：「嘩！好性感。」而阿Ron更於台上取笑康華，他說：「如果唔好收視，康華都唔會着成咁喇。」
康華對於自己被指「拋胸谷收視」搶盡風頭，她說：「唔好講到咁肉酸，咁我噚晚賭波贏咗少少錢，今日心情好，着得靚啲畀大家影嘛，咪當慶祝囉。」
問到康華會否擔心嚇壞現場長者時，她說：「佢哋都見慣世面喇！身材好過我嘅都見過，我呢啲只係小兒科。」
身為主角的蘇玉華對於被康華搶風頭，她直言早已自動棄權，她說：「我玩乒乓波就叻，康華梗係踢足球叻喇，大家都係為劇集宣傳，最重要佢開心，我係和平主義者，唔鍾意鬥，況且都唔係自己條路線。」
家人保守唔接受
Toby眼見康華如此性感即表示原本有意以tubetop到場宣傳，幸好最後打消念頭，她大讚康華身材好，Toby說：「我冇佢咁好身材，所以唔敢着，如果我Daddy（無綫高層梁家樹）見到我咁着，會覺得好惡心，我屋企人比較保守，而且我呢個年紀唔使咁sexy。」
採訪：王崇穎
攝影：林德雄
