王菲未同李亞鵬一齊之前，一直好錫愛女竇靖童，鵬菲拍拖之後，最初都有三人行，而李亞鵬表面都好照顧童童，不過自從王菲同李亞鵬有咗之後，佢哋對童童嘅重視程度即大幅度遞減，李亞鵬好多時都會交託大佬李亞偉負責接送童童。
王菲上個月生咗囡囡李嫣後，佢同李亞鵬嘅焦點都集中晒喺BB身上，而忽略咗童童。馮仁昭個朋友係王菲北京嘅鄰居，佢話童童每日放學都百無聊賴，一係由保母陪同去鄰居兼同學仔屋企玩，一係就自己踩單車過去，始終屋苑範圍保安都好嚴密，所以王菲都好放心童童自由活動，加上佢又要照顧新生BB李嫣，童童只得自己顧自己。
籌備復出大計
有內地報道指王菲經理人陳家瑛已親口證實王菲同李亞鵬嘅寶貝女已改咗名叫李嫣，仲話王菲應該出年會復出，有消息話王菲近日開始籌備明年復出嘅大計，佢打算出年做巡迴演出，不過陳家瑛𠵱家喺日本，馮仁昭未知呢個報道係咪真嘅。