前晚加納對巴西場波節奏好快，我判官都戥執法球證同旁證辛苦，所以好多人鬧阿祖安奴個入波明明越位，球證都唔吹，離譜！其實嗰球入波，由卡卡中場策動，到卡富接應快放落底線傳中，再到阿祖安奴大髀撞入，講緊都係二十零秒內發生嘅事，你估個個球證9秒9咩！如果追得到咁快嘅節奏，佢哋就直頭上埋場比賽喇！所以球迷們鬧之餘，都要有一顆寬容嘅心先得。