世界盃16強實力相當，勝負好可能只係一線間，前晚西班牙對法國場波，法國球員落後1球沉着應戰，最後仲反勝3:1，認真犀利。但其實背後原來有段古，亨利等球員賽後講番，賽前播法國國歌嗰陣，在場西班牙球迷狂噓，搞到班法國球員火都嚟埋，馬隆達承認當時爭勝決心爆燈。判官原本以為法國隊係外籍兵團，班球員可能冇咩愛國心，認真失覺晒！