許美靜日前闖進新加坡一所酒店內大吵大鬧，其實近年無論在港還是外地曾有光輝歲月的藝人，當事業開始走下坡，又或是受到感情上打擊，其性格與行為便會大變。臨床身心行為學家李寶能說：「呢個好難用一般嘅心理學分析，我哋要用生物學先可以解釋到，雌性同雄性屬於兩種唔同細胞，要加埋起嚟先有吸力，以雌性為例，佢哋到咗適婚年齡，如果未能夠固定到自己，潛意識入面，喺生理同本能上都會有困擾，感到徬徨。」
一般情況下，若本能的慾望未能得以滿足，便會做出一些代替性活動來填補，李寶能說：「一個中年人，無論係男或女，大部份都會有不滿，裏面大部份更係生理嘅不滿，為填補人生空白，都會做出一啲相關嘅嘢取得安全感。」