陳慧琳昨日綵排新城演唱會，表示當晚其中一個環節是穿上泳衣勁歌熱舞，不過她大爆男友抗拒她穿低胸裝，覺得胸盪盪非常奇怪。
陳慧琳（Kelly）將於明天在灣仔會展舉行「新城唱好陳慧琳KellySpirit音樂會」，昨日她在灣仔排舞室排舞，並提醒歌迷要準時入場，她說：「嗰日我會準時8點開騷，會準時放啲歌迷返屋企睇波。」Kelly預告在演唱會中會施展渾身解數，她說：「到時會勁歌熱舞，毫無保留，希望可以跳得free啲，今次我同班dancers仲會着泳衣，好似我上一次演唱會嗰件咁，呢個已經係我嘅底線，係最性感。」
人稱「打底王」的Kelly，最叻防走光，問她着泳衣跳舞，不怕走光嗎？她說：「唔怕，我會打底，好似上次演唱會，我都有着件運動衫喺入面打底，所以今次打底一定唔會少過上次，雖然話毫無保留，但係都要高貴。」
先睹為快
原來這次穿泳衣跳舞，其男友已先睹為快，Kelly說：「我喺屋企練，佢都見過。」問Kelly其男友對她有何評價？她說：「佢最鍾意我着樽領，佢覺得我着露背、露腰都可以接受，低胸就接受唔到，佢覺得盪吓盪吓好奇怪。」
不過男友今次不會捧場，但就邀請了一班樂壇新人助陣，包括劉浩龍、郭芯其、kellyjackie，還有緋聞情侶側田和林苑。
採訪、攝影：卓美娟
