翁紅與張睿羚昨日在紅磡拍攝港台劇《禁毒檔案》外景，二人飾演一對有食安眠藥及飲咳藥水癮的姊妹，張睿羚為了演繹角色將牙縫塗黑，兼打扮成一名師奶模樣，張睿羚說：「今次都係因為翁紅先會接拍呢套劇，我哋當年同屆選亞姐，不過都有幾年冇見。」
專注內地發展
翁紅近年在內地發展事業，她表示由上海返港不足一周，卻豪使了接近六位數字，翁紅說：「難得喺香港，買買吓唔覺就用咗咁多錢。」此外，她為演繹劇中濫藥的角色，早前與個案當事人會面，翁紅說：「見過當事人，我發覺佢比好多人都幸福，點解有啲人鍾意攞苦嚟辛，我演個角色時，會飲啲紅酒令自己易啲投入角色。」
採訪、攝影：魯萍