德國人一路畀人嚴謹、嚴肅嘅印象，連當地傳媒都係咁！但係判官日前睇到一篇《圖片報》有關碧咸嘅報道後，從此對德國傳媒改觀喇！呢份報紙攞番碧咸對厄瓜多爾場波大嘔件事出來講，嘲笑佢嘔嘅原因可能有3個：德國啤酒太啃、碧咸嫂碌爆卡同碧咸大咗肚。判官覺得《圖片報》咁做好低莊，開講話過門都係客，咁樣挖苦法，似乎唔多尊重人喎！