子彈火車快過飛機？
子彈火車快過飛機，你信唔信？初時我都唔信，但計吓時間，由法蘭克福去柏林，坐子彈火車有時真係快過飛機㗎。喺德國差唔多日日都係坐車採訪，喺高速公路偶爾見到子彈火車喺旁邊經過，時速肯定超過350公里。呢個速度雖然唔及飛機，但坐飛機先要去機場checkin，如果單計由法蘭克福去柏林，兩種交通工具都係約4個鐘，你會揀邊種先？
李勇明
曾採訪世界盃、歐洲國家盃、奧運、亞運等大賽，身經百戰。
都係阿嬸最醒
為了球迷安全起見，德國世界盃每個入fanfest（球迷波場）的球迷都不可以帶水樽入場，就算在場內的餐飲部，售貨員亦只會用膠杯載酒或汽水。圖中呢位阿嬸夠醒目，知道fanfest有好嘢，於是擺定個陣喺場外等帶了樽裝飲品又不得其門而入的人，可知每1支0.5公升嘅樽可以收回15仙歐元，1公斤收回25仙，正所謂積少成多嘛！
徐嘉華
採訪過無數大賽，最鍾意捐窿捐罅搵題材，今次德國之行啱晒我。
德國天氣變幻莫測
有報道話德國6、7月間天氣最變幻莫測，最低同最高氣溫，曾經分別錄得過攝氏零度以下及38.2度嘅紀錄。近兩周開始有啲體會，熱3日凍2日咁囉！到前日仲誇張，喺史特加，一日之內經歷咗清涼、炎熱、雷電交加、狂風暴雨，連新聞中心個帳幕頂好似隨時連雨水一齊跌落嚟咁；最擔心係，呢日出門口時好似唔記得閂窗！
朱冠恆
肩負現場直擊畀料重任，無論你當我名家抑或明燈，都希望交到功課。
