一味窩輪:炒長實C輪正路揀3622

一味窩輪:炒長實C輪正路揀3622

H指同紅指繼續去,恒指則跌30點。賀回歸,紅籌國企好好睇睇,令大市氣氛唔錯。遲吓,藍籌亦會跟埋上去,搵藍籌C輪上車可也。
長實C輪3622:長實(001)最高81.95元,低收81.10元,跌斗零,估計80元齊頭邊邊守得穩,趁低揀C輪埋手。
正路對象係3622,10月初夠鐘,輪價35.5仙,溢價5.8%,槓桿率22.9倍(有效11.5倍),引伸波幅22.5%。
長實C輪最靚係3673,爆炸力同殺傷力大好多。想贏輸勁啲,賭3673。
新地C輪3485:新地(016)跌0.15元,收76.85元,距離5月89元配售價好遠,估計調整足夠,有機反彈。揀新地C輪,向最多買賣嘅3485埋手。隻輪9月下旬到期,輪價33仙,溢價5.6%,槓桿率23.3倍(有效11.8倍),引伸波幅22.9%。4642都好多人買賣,但剩番個半月壽命,要畀3.7%溢價,博唔過。

和黃C輪4751:和黃(013)見70.25元後回落,收69.50元,跌0.25元,估計已有支持,揀C輪短炒搵餐晏仔,諗4751。隻輪10月初夠鐘,輪價28仙,溢價5.7%,槓桿率24.8倍(有效11.7倍),引伸波幅22.9%,數據唔錯。
章盛