世盃前以為運動品牌「豹公司」好威，攞咗成12個國家嚟贊助，比起「一剔」同「三間」仲多咁幾隊；點知愈睇愈唔對路，逢係「豹公司」贊助嘅國家大部份已經出晒局，除咗死剩意大利入8強（截稿時未知加納噚晚贏唔贏到巴西），你哋都咪話唔邪。當初以為「豹公司」咁把炮砌低「一剔」同「三間」，原來係黑腳喎！𠵱家唔單止輸面，仲輸埋入貨眼光㖭呀陰功！