周一兩場16強賽事，頭場意大利對澳洲打咗成90分鐘都冇波入，不過補時嗰陣叫做有球12碼刺激吓，唔係都冇乜嘢好回味。至於尾場嘅瑞、烏戰真係衰波嚟㗎，又會悶成咁嘅？捱夜睇波仲要打和0:0，又係12碼階段先可以醒神番。唔怪之得，呢兩場波嘅最佳球員係意軍嘅龍門保方同烏克蘭嘅龍門蘇夫高夫斯基啦，正所謂「防守主義」有利門將爭取表現吖嘛！