上屆世盃賭波都唔係合法，今屆就唔同喇。班球迷唔單止可以欣賞好波，仲可以堂堂正正入投注站買自己心水嘅球隊，唔使擔驚受怕，對佢哋講真係一件樂事。只不過有好多團體擔心賭波合法化之後，青少年會沉迷賭博，導致傾家蕩產咁話。
其實馬會一直都積極做好多教育活動，就好似近期喺電視度見到一系列馬會宣傳短片，教育班市民唔好參與非法外圍，同埋切勿沉迷落去。
講真馬會嘅出發點係好，不過平心而論，條片嘅質素就認真麻麻。首先，片中卡通人物個樣唔靚，班後生仔睬你都儍，而且我覺得有啲無厘頭囉，宣傳成效成疑。
計我話要吸引班後生仔注意，應該搵吓青春歌手好似Twins、容祖兒等做宣傳大使，相信連班麻甩佬都會收手，好過搵幾個騎呢卡通人物啦。
彭浩翔電影導演