今屆世盃被收費電視獨攬，市民波癮難捱，但下屆將打破這個局面。記者昨日訪問幾位市民，大部份得知有免費波睇都紛紛叫好。
錢先生：「咁都好，不過再加埋分組賽都有得睇就更好。𠵱家得有線播，都冇得揀，球迷有多啲選擇係一個喜訊，但係決賽同16強一定唔可以冇得睇。」
張小姐（圖二左）：「咁係好事，我覺得壟斷球賽好唔公平，世界盃係大賽事，應該大家一齊分享至啱，𠵱家得有線電視有得睇，唔係咁多人睇得到。」
張小姐（圖二右）：「咁愈多人睇到梗係愈好，不過人哋（有線）畀咗咁多錢買轉播權，獨家都係無可厚非嘅。」
馬生先：「我支持呢個決定，但我覺得有冇都冇所謂，因為𠵱家都有好多途徑可以睇得到，可以去深圳，又可以網上睇，當然如果有免費波睇梗係冇壞啦。」
