吳浩康前晚在銅鑼灣出席新碟記者會，找來十位穿吊帶背心及短裙的女模贈興，其胞姐也有到場為他拍照。提到很多歌手都會避世界盃而延遲出碟，吳浩康則說：「個個避咪好囉，人棄我取，我有信心呢個時候出碟，希望聽日全條街啲人都攞住我張碟。」
拒送碟給女友
至於找來美女相伴，吳浩康說：「唔係我揀㗎，我都係啱啱知有呢啲，我都唔會望住佢哋，好尷尬。」談到緋聞女友Jacqueline都是模特兒，吳浩康緊張地說：「嗰個係女性朋友咋，唔好講到我咁多女朋友啦，我得一個女友。」吳浩康表示不會送碟給女友，希望支持他的人自掏腰包買碟，他說：「咁close都唔買，好難說服人哋買。」
此外，吳浩康昨日推出新碟，卻遇上一號風球，他表示每逢出碟或舉行發布會，必定遇上風球，但若果出碟及頒獎禮當日是雨天的話，就會取得好成績。
採訪、攝影：王連連