16位準港姐昨日往大埔探訪及學習整陶瓷，製成品有板有眼，但有「青衣薛凱琪」之稱的8號徐淑敏整陶泥時失手，泥漿四濺，旁人遭殃。有指她在家中擺風水陣求奪后冠，徐淑敏直認篤信玄學，目的只是想減少是非，看來她對參選後的負面新聞感到壓力。
新一屆香港小姐競選的16位候選佳麗昨日到大埔匡智松嶺窰探訪，由鄭文雅親自教佳麗做陶瓷，5號呂慧儀、8號徐淑敏、11號鄭詠森、13號陳茵媺和15號周家蔚分別學習拉坏，而其他佳麗則學習手造成形陶瓷，昨日是9號阮兒19歲生日，除獲一眾佳麗替她切蛋糕慶祝，身旁12號謝穎珊還將忌廉搽到壽星女臉上。
讀咗年幾玄學
8號徐淑敏再次登上封面，被拍到家中放置魚缸擺風水陣照片，徐淑敏解釋說：「屋企兩缸魚係我爸爸嘅，並唔係乜嘢風水，我對玄學係有興趣，都讀咗年幾，但學嘅係搵屋同一啲平面圖，我會學以致用，但目的唔係為攞后冠，而係想少啲是非，雖然我冇刻意問師傅，但自己覺得低調啲就可以。」
佳麗在學習陶瓷期間，由一班智障人士協助，初時徐淑敏有板有眼，但期間失手，陶泥濺到其他人身上，11號鄭詠森曾學過陶瓷，功架十足，成功拿着製成品展示人前，有報道指鄭詠森獲阿媽教路，盡量攝位靠近徐淑敏搶鏡，昨日二人不避嫌大方合照，鄭詠森說：「當日只係同阿媽討論工作，屋企人只叫我平常心去做。」
三甲心水爆冷
此外，師姐鄭文雅對今屆候選佳麗已有心水，推測三甲並非大熱得獎，有機會爆冷，並以過來人身份給予佳麗寶貴意見，提醒佳麗見評判時談吐對答最重要，既要有意見，但又不能像鐵嘴雞，具相當難度，至於徐淑敏是非多籮籮，鄭文雅則謂：「我都做過評判，唔會睇新聞多與少嚟揀佳麗，係憑接觸同感覺，多新聞有時未必係好事。」
採訪：卓寶花 攝影：陳順禎
