葛民輝和林海峰於下月27日舉行的四場「軟硬LongTimeNoSee」演唱會，昨日開售即爆滿，兩人更趁勢推出限量版產品，但訂下了售賣規矩，只能隔着玻璃窗睇貨，林海峰指這概念來自燒臘舖。
葛民輝和林海峰繼宣布再以軟硬天師身份於下月27日開騷後，昨日又推出限量版軟硬製造的軟硬制服，包括T恤、牛仔褲和cap帽等，軟硬昨日在銅鑼灣世貿中心10樓的舖頭介紹新產品，並請來一班小朋友擔任模特兒，穿着軟硬品牌T恤出場。
營業時間極短
軟硬製品限定由昨日開始賣至下月27日，開售時間也限定在下午6時07分至晚上7時27分，每日只有個多小時給顧客購買，顧客更只能隔着玻璃櫥窗睇貨寫編號買衫。問軟硬這概念是否抄襲日本的猿人服？二人否認，林海峰更說：「有少少似燒臘舖，你去買叉燒都唔可以掂叉燒㗎啦。」阿葛則辯稱店員是女性，所以不能有身體接觸。
唔怕被老翻
一件普通T恤的售價是280元，但記者問軟硬製品的價錢時，林海峰卻說：「我哋係要議價。」阿葛亦說：「嚟買衫要講價㗎，講好價先賣。」至於為何要限定時間？林海峰解釋是風水師傅的決定，但又說：「6：07即是軟硬個騷開始做宣傳嘅日子，6：27係開騷日子。」
問他們擔不擔心出現翻版貨？林海峰說：「如果係翻，就翻啲我哋冇諗過嘅款式，咁嘅話仲要向佢哋致敬。」
採訪、攝影：魯萍
