愉景灣住戶一般都比較注重生活情趣，區內亦有唔少特色食肆，近期愉景廣場翻新，據香港興業方面講，食肆租戶組合將會更多元化。據聞家吓仍然傾緊或者引入嘅店舖，包括一啲新派中菜、韓國、日本、歐洲及拉丁美洲等唔同地區嘅美食，至於下個月率先開業嘅係McSorley'sAleHouse。當然，部份原有嘅食肆會繼續保留，好似一啲咖啡店、餅店同美式快餐店都會留低，唔會全部換走。
講開又講，前排愉景灣有人將住宅單位作商業用途，事件已經得到解決，管理公司終於向有關嘅單位提出起訴，兩個業主亦都已經終止租客嘅租約。其實喺呢啲大型屋苑住宅單位偷雞做生意，好易會俾人發現，結果會點都可以預料。