日前有雜誌指古巨基因私下接廣告，開罪了經理人黃柏高（Paco）。基仔昨日接受商台訪問後作出回應，他直指整篇報道都不是事實，基仔說：「我覺得今次係因為出街冇帶筆，好易俾人屈。合約呢啲係牽涉法律，我做咗咁多年（藝人），當我儍㗎咩，如果真係私下接job，Paco何止嬲呀，直頭告到我甩褲啦。」
尊重狗仔隊
基仔又指報道牽涉了Paco、楊千嬅及側田等人，覺得有人想離間他們之間的感情，基仔說：「我哋一家人好融洽，冇咁易俾人離間到。我𠵱家尊重狗仔隊多過呢啲作嘢嘅記者，狗仔隊起碼真係會影到張相。」最後基仔表示與Paco的合作形式十分滿意，不過他指Paco抽佣沒有40%。
此外，同樣到商台接受訪問的鄧麗欣（Stephy），表示不相信有關報道，Stephy認為Paco向她抽40%非常合理，她說：「咁公司幫我接job咁辛苦，抽40%出都好合理呀。」
採訪、攝影：李珮洳