世界盃唔只大人睇，原來連小朋友都有得睇㗎！德國幼稚園老師喺世界盃期間，就教小朋友認識32強各國嘅國旗，有啲幼稚園甚至會電視直播足球賽事，教小朋友認識足球。
記得細個嗰時，暑假都冇作業，真喺可以好好咁享受個暑假。不同城市嘅學校會喺不同時間開始放暑假，𠵱家有啲放咗學校暑假嘅城市，交通就比較擠塞，可能係因為多咗一家大細出嚟玩啦！
呢度嘅家長，喺小朋友升上小一嘅時候會畀小朋友帶一個筒返學，就好似聖誕襪咁，入面放住啲食物同埋日常用品畀小朋友帶住，用意就係畀小朋友知道升上小學係一個新嘅階段，會有新嘅開始。
不過，啲父母都仲會好錫佢哋，畀小朋友帶啲食物返學，等佢哋唔使太掛住屋企人而唔肯返學。我都好懷念呢個傳統，因為真係好溫馨呢！
袁彩雲
無綫世界盃直擊主持