亞視舉辦的《2006亞洲小姐競選》昨日舉行記者招待會，師姐級的張文慈（Pinky）及饒珮君均以性感打扮撐場。張文慈更大爆當年參選亞姐的黑幕，指曾有佳麗的旗袍被竊。
張文慈、饒珮君及2005亞洲小姐冠軍王磊、亞軍洪仁永和季軍翟湘萍等，昨日在尖沙嘴出席亞視《2006亞洲小姐競選》港澳特區賽區的記者會。三位亞洲小姐昨日均以民族服飾出場，來自韓國的亞軍洪仁永專程由韓國來港，更為此活動訂做了一套價值7,000港元的民族服飾。亞姐師姐級的張文慈及饒珮君則以性感裝束到場，各具特色。
今屆獎金50萬
張文慈以一條性感連身裙出席活動，但相比饒珮君價值萬多元的拉丁露背戰衣，性感程度稍為遜色。問到Pinky可覺被對方搶盡風頭時，她說：「有乜所謂呀，我今日比較端莊，平時我都好性感喇，咁唔同場合有唔同造型，我覺得最緊要係靚就得。」問到Pinky當年選亞姐可有黑幕時，她說：「我當年都冇乜嘢，我只係知有佳麗啲旗袍同衫俾人偷。」
一身性感打扮的饒珮君自言不怕走光，問到她可有貼膠紙防走光時，饒珮君說：「咁又冇，都唔使喇，因為條裙裏面本身有打底。」對於自己搶盡風頭，饒珮君說：「唔係啩，我只係覺得呢條裙好配合今日我先着。」
此外，今屆《2006亞洲小姐競選》實行以獎金吸引參賽者，亞視方面表示冠軍獎金高達50萬元，獎金加獎品總值250萬港元。
採訪：王崇穎 攝影：陳志嵐
