精選外國靚女體記
前一排香港報章雜誌好鍾意對新聞女主播評頭品足，睇吓邊個最靚女，或係邊個最受歡迎，話題都幾吸引。今屆世界盃已經過咗一大半，小記發現其他國家原來有好多靚女體育記者，所以正密鑼緊鼓，準備做一個小話題，介紹呢班球星見到都眼金金嘅靚女同大家分享。其實，自古窈窕淑女君子好逑，搵靚女訪問球星，相信效果點都好過麻甩佬啩！
曾採訪世界盃、歐洲國家盃、奧運、亞運等大賽，身經百戰。
李勇明
碧咸威震德國
德國本身沒有出英文報紙，不似香港，至少有份SCMP及Standard；不過，德國就入好多英國的報章，大家耳熟能詳的大報小報如TheSun,Mirror等等，隨便數數也有10多份。昨日英格蘭憑碧咸贏波，今晨有書報舖頭將英格蘭的開心威水相放在當眼處，還擺埋「英國加油」的紅十字國旗，多少會吸引到路人多望一眼吧！
採訪過無數大賽，最鍾意捐窿捐罅搵題材，今次德國之行啱晒我。
徐嘉華
部份德國躉蝦蝦霸霸
愈嚟愈對德國球迷反感，總覺得佢哋至係今屆世界盃搞事分子。即使當日無任何德國隊賽事，仍然見到唔少着住德國波衫分子，喺其他對賽球隊球迷群中叫囂，一副嚟搞寸party嘅態度；又見過有德國球迷竟然借醉胸襲波蘭女球迷；以及喺滿座火車上使詐，欺騙別隊球迷，指該座位已預留了，要對方起身讓座，豈有此理！
肩負現場直擊畀料重任，無論你當我名家抑或明燈，都希望交到功課。
朱冠恆
